Ngā tohutohu hei rapu i te pūkete kōti i Pātaka Whenua
Guidance to search the court record in Pātaka Whenua

Pānuitia te aratohu Me pēhea te uru hei kaiwhakamahi rēhita i Pātaka Whenua kia mōhio ai me pēhea te rēhita i Pātaka Whenua.

Ka taea e koe te rapu mōhiohio mā te whakamahi i te ingoa o te poraka whenua.

Ka kitea e koe kei hea te whenua, ā, mēnā he tono kei mua i te Kooti e pā ana ki tēnei. Ka āwhina pea tēnei i a koe me ētahi atu rangatira whenua ki te whakatau tikanga mō te whanaketanga anamata, te whakamahi rānei i ō whenua.

Mēnā kei te whakarārangi koe i tētahi wātaka whenua ka taea e koe te toro ngā mōhiohio hītori o taua whenua e ai ki tērā i hopukia i te Kooti Whenua Māori (te mea i mua i a mātou rānei, te Kooti Whakawā Whenua Māori).

Pānuitia te aratohu Rapua he poraka hei āwhina mō te rapu mā te poraka whenua.

Ka taea e koe te rapu ngā tuhinga onāianei me ngā mea o mua he pūkete tūmatanui kei te Kooti Whenua Māori. Kei roto pea i tēnei ko ngā pukapuka āpiti, ngā meneti kooti me ngā whakataunga, ngā mahere rūri, me ngā whakatau taitara.

Ko ngā tuhinga kāore i whakaurua ki te pūkete tūmatanui ko:

• • Ngā kōnae wira (ngā wira taketake me ngā whakatau whakamanatanga wira ka tukuna e te Kooti Whenua Māori)
  • Ngā kōnae whaiaro (ngā tukutanga whakahaere a te Kooti Whenua Māori, ngā kōnae rānei mō ngā rawa whaiaro i tua atu i te whenua Māori)
  • Ngā kōnae whāngai (ina whakaaetia he whāngai e te Kooti Whenua Māori)
  • Ngā tuhinga, pūkete rānei, nā te tawhito me te āhua, kua kore e taea te whāwhā
  • Ngā tuhinga, pūkete rānei kua aupurua e te kooti.

Pānuitia te aratohu Rapua he tuhinga hei āwhina mō te rapu tuhinga.

Ka taea e koe te rapu tētahi tarahiti, rōpū whakahaere rānei e whakahaere ana i ngā whenua he pānga ōu kei roto. Ka whakaatu tēnei ki a koe:

• • ko wai ngā kaitiaki me te wā i tohua rātou
  • i te wā i tū te tarahiti whenua
  • ngā mahi o mua a te tarahiti
  • te whakatau tarahiti, te papature rānei.

I ētahi āhuatanga, ka taea e koe te kimi ngā taipitopito whakapā kaitiaki ka taea e koe te whakamahi hei rēhita i tō hiahia ki te whiwhi whakamārama mō te whenua.

Pānuitia te aratohu Rapua he hanganga whakahaere hei āwhina mō te rapu mā te hanganga whakahaere.

Ka taea e koe te rapu te whenua kei roto koe me te whiwhi mōhio atu anō mō te whakapapa o te whenua me te whānau hoki. Ka kitea e koe ngā mōhiohio mō ēnei:

• • Te rārangi rangatira whenua onāianei o te poraka.
  • Te wā i uru he tangata hei rangatira whenua, i ahu mai ō rātou pānga whenua i a wai, ā, he aha tōna momo rangatira whenua
  • Ngā rangatira whenua o mua me te rārangi tauatanga, te whakapapa rānei o te whenua.

Ka taea e koe te rapu ngā mōhiohio o mua he whaitake pea mōu mō te kohikohi mōhiohio mō tō whakapapa.

Pānuitia te aratohu Rapua he rangatiratanga hei āwhina mō te rapu mā te rangatira whenua.

Te mārama ki ngā tohutoro hei āwhina i a koe kia kitea te mea e kimihia ana e koe me te mārama ki ngā mea e pānuitia ana e koe.

He Aratohu mō ngā whakapotonga pukapuka meneti a Te Kooti Whenua Māori.

Mō ētahi atu mōhiohio mō ngā kupu ture o Te Kooti Whenua Māori me pāwhiri i konei

Tikiake te kuputaka a Te Kooti Whenua Māori.

Pānuitia te Aratohu kua wareware i te kupuhipa mō ngā āwhina whiwhi kupuhipa hou.

Mēnā kei te raruraru tō whakaoti i te pikitia CAPTCHA, ko te raru pea kāore i te whakaaturia te katoa o te pikitia nā te rahi o tō mata.

Mēnā koinei tō raruraru, whakaritea tō mata kei te:

• • whānui te mata (mōrahi)
  • topa atu kia kite ai koe i te katoa o te pikitia CAPTCHA

Kei raro ko tētahi tauira ina kite koe i te mata katoa.

Ko te tikanga me pēnei te āhua o te mata ina topa atu koe:

Ina whakatūturutia tō īmēra, me tautuhi koe i tō ingoa kaiwhakamahi.

Ka whakaputa aunoa a Pātaka Whenua i tētahi "ingoa kaiwhakamahi" e ai ki tō wāhitau īmēra, engari ka taea e koe te huri ki tētahi mea kē.

Hei mahi i tēnei, pāwhiria te pouaka ingoa kaiwhakamahi ka muku i ngā kuputuhi kātahi ka pato i te ingoa kaiwhakamahi e hiahia ana koe.

Mēnā ka kite koe i te hapa Red Shield me kati, me tāmata rānei koe i tō pūtirotiro.

Me mātua whakarite kei te topa rawa atu tō pūtirotiro (tino mōrahi).

Ko te tikanga ka kite koe i tērā i raro mēnā kua topa rawa atu te pūtirotiro.

Mēnā kei runga pūrere pūkoro koe, he iti ake rānei tō mata, me pāwhiri ki ngā rārangi e toru kei roto i te porohita whero kei te pikitia i raro kia puta ake ai te rapu.