Ō mātou Paepae
Our senior leaders

I whakauru mai a Claire ki Te Tāhu o te Ture i te tau 2014 hei Kaiwhakahaere Whakaea Nama e kapi ai ngā rohe o Manawatū me Whanganui. I mua i te whakauru mai ki Te Tāhū o te Ture he maha ōna tūranga kaihautū me te whakahaere i Rapuara, e kapi ana i ngā rohe ōrite tae atu ki a Taranaki. I whakauru mai a Claire ki te Kooti Whenua Māori i te tau 2017, ā, he whānui ōna mōhio me ōna wheako i a ia ka uru nei ki tōna tūranga hei Pae Ārahi o Te Tairāwhiti.

E mahi ana ia i Te Papaioea, he Tohu Paetahi Aronui tōna me tētahi Tohu pōkaitahi paerua mai i Te Kunenga ki Pūrehuroa i Te Papaioea.

I whānau mai, i pakeke mai hoki i Whanganui, i tīmata te mahi a Don i Te Tari Māori i Whanganui i tau 1983, ka uru ki te Kooti Whenua Māori i te tau 1990. He nui ōna tūranga puta noa i te kooti, ā, he whānui ōna mōhio me ōna wheako ki tōna tūranga hei Pae Ārahi o Te Raki me te Kairēhita i Whāngārei.

Ngāi Tai ki Torere, Whakatōhea, Ngāti Pikiao, Ngāi Tūhoe

I whakauru mai a Graeme ki te Kooti Whenua Māori i te tau 2005 hei Tumuaki ā-Rohe i Rotorua. I mua i tēnei he maha ōna tūranga whakahaere me Te Ara Poutama Aotearoa me Te Tāhū o te Ture. I roto a Graeme i a Ngāti Tūmatauenga mō ngā tau neke atu i te 20 tau, tae noa ki tōna ritaiatanga i te tūranga hira o te Rutene Kanara i roto i te Royal New Zealand Infantry Regiment. I whakawhiwhia a Graeme ki tētahi Queens Service Medal mō ngā mahi tūmatanui i te tau 2008.

I whakauru mai a Dan ki te Kooti Whenua Māori i te Pepuere o te tau 2022, hei Pae Ārahi o Te Tiratū.

He kaihautū matatau ia me ngā mōhio whakahaere whānui i roto i te whakarato ratonga, i ārahi a Dan i ngā rōpū i roto i ngā Kooti ā-rohe o Te Whanganui-a-Tara me Te Awakairangi, ā, i roto ia i te tūranga Kaiwhakahaere Ratonga Ture mō te Manawatū/Te Wairarapa me te Raki o Te Whanganui-a-Tara.

I mua i te whakauru ki Te Tāhū o te Ture i te tau 2015, i mahi a Dan i roto i te rāngai pēke i Kānata me Te Hononga o Ingarangi, ā, he maha anō ētahi atu o ōna tūranga puta noa i ngā whakahaere rerekē i Aotearoa me tāwāhi.

Ngāti Whakaue, Ngāti Pikiao, Ngāti Rangiwewehi

I tīmata a Steve ki te mahi i Te Tari Māori i te Hūrae o te tau 1984 e mahi ana hei Kaitiaki Māori, kātahi ka neke ki te wāhanga Whanaketanga Whenua i mua i te uru hei Āpiha Tuku i te tau 1989.

He maha ngā tūranga o Steve i roto i te Kooti, arā pērā i te kaiwhakahaere kēhi, kaiārahi rōpū, kaiwhakahaere ā-rohe, Āpiha Takawaenga Matua me te Kaiwhakahaere Ratonga, i mua i te tohutanga hei Kairēhita Matua o te Kooti Whenua Māori i te Pepuere o te tau 2021.

Nā ngā huringa ki te tūranga o te Kairēhita Matua, kei a Steve te mana ināianei mō te whakatinana i ngā mana ā-ture e ai ki te Ture hāngai, he tuku tohutohu hangarau ki ngā hātepe Kooti me te tautoko i ngā kaimahi me ngā kaiwhakahaere o te Kooti Whenua Māori kia taea e rātau te tuku ratonga kiritaki rawe.

“Ko au te taupā kiihai puawai ōku moemoea”

Ko te tūranga o te Puna Hāpai kia hāpai te tāngata i Te Kooti Whenua Māori kia waipuketia tōna ake puna hei oranga mo te whānau i te whenua.

I ngā rā o mua, he mōkai tēnei mo taku iwi o Whanganui kei te reo irirangi, kei te manatū hauora, kei te puna matauranga, kei te Poari Matua o te Awa o Whanganui hoki.

Nō tērā tau tekau he kai mahi ahau i Te Kooti Whenua Māori o Aotea (Whanganui), ināianei ka noho au ki Te Paepae o Te Kooti.

“Ko au anake te tauārai ki ōku moemoeā”

Ko te tūranga o te Puna Hāpai he hāpai i ngā pūmanawa nohopuku o ngā kaimahi katoa ki te tuku i tētahi ratonga Māori e puāwai ai te oranga o ngā whānau mā te whenua.

I roto i ngā tau, i mahi a Piri mō te painga o tōna iwi i Whanganui, otirā i Awa FM, Te Oranganui Iwi Health Authority, Te Puna Matauranga o Whanganui me te Poari o Awa o Whanganui.

I roto i ēnei tau 10, i mahi a Piri i te Kooti Whenua Māori i Whanganui, ā, nō tata nei i uru ia ki Te Paepae o te Kooti Whenua Māori.