Haerehia ki te rārangi take matua Haerehia ki te whakaterenga matua

Kei ngā taratī Māori me ngā mema kōmiti whakahaere te haepapa mō te tiaki me te whakahaere i te whenua mō ngā kaipupuri whenua (ngā kaipupuri whenua whai pānga me ngā kaiwhaipānga). Ka kōharitia e ngā kaipupuri whenua ngā taratī ka pōti i ngā mema kōmiti whakahaere kātahi ka whakaūngia, ā, ka tohua hoki e tētahi kaiwhakawā, kairēhita rānei.

Ki tēnei whārangi

Te mahi a te kaitiaki

Ko te mahi a ngā kaitiaki he whakatau tikanga mō te painga o ngā rangatira whenua onāianei me ngā whakatipuranga o muri mai, me te whakatutuki i ngā wawata mō te whenua.

Kia tōtika ai te whakahaere me te anga whakamua i te tarahiti, me mātua mōhio ngā kaitiaki ki te whenua me ngā tāngata, ā, me whai wā me te whai kaha ki te whakatutuki i ngā mahi a ngā kaitiaki.

He mahi nui te noho hei kaitiaki. Ahakoa he uaua, ā, he nui te wā, he nui ōna whiwhinga.

Ko ō mahi hira hei kaitiaki he:

  • whakatipu haere tonu i te wāriu o te whenua, ngā hea rānei me te kore ngaronga nui
  • te tiaki i ngā rawa o te tarahiti.

Kei roto i ngā kawenga kaitiaki ko te:

  • rangahau i ngā kōwhiringa mō te whenua mō ngā rangatira whenua
  • taetae atu i ngā hui a ngā kaitiaki ki te kōrero me te wānanga i ngā mahere mō te tarahiti
  • kōrero ki ētahi atu rangatira whenua me te whakarite hui mā ngā rangatira whenua, ngā kaitiaki rānei ki te kōrero mō ngā mahere mō te whenua
  • te hāereere atu ki te whenua ki te tirotiro i te oranga o te whenua, me te
  • mahi tahi me ngā tāngata kei roto i te whenua, te tarahiti rānei, pērā i te kaitangorīhi, kaikaute, rōpū whakahaere rānei.

I te nuinga o te wā kāore e tohua he tangata e te Kooti hei kaitiaki mēnā:

Kei raro koe i te 18 tau, mēnā rānei:

  • i pekerapu koe, he pekerapu koe, he tumuaki rānei koe nō tētahi kamupene kei te katia nā te pekerapu
  • kei raro i tētahi whakahaere Hātepe Kore Rawa a te kaipupuri whai mana
  • kua whakaharaina mō tētahi hara mō te whānako, tinihanga rānei
  • panaia mai i tētahi tarahiti, kaporeihana whenua rānei e mātou, ētahi atu kooti mō te hē o ngā whakahaere o tētahi tarahiti, kaporeihana whenua rānei, tērā rānei
  • tē taea rānei te whakahaere ā rātou ake take nā te taipakeke, te hauātanga hinengaro/tinana rānei.

Ngā kawenga kaitiaki

  • Hei kaitiaki me mātua mōhio koe:

    • ki ngā mea e whakahaerehia ana e te tarahiti (ngā whenua, ētahi atu rawa rānei a te tarahiti)
    • ngā ture o te tarahiti (ō mana me ō kawenga i raro i te whakatau tarahiti)
    • ngā raru katoa e pā ana ki te tarahiti.

  • Me mātua tika tō mahi, ā, mō tētahi:

  • Me mātua tōkeke tō mahi me te whakarite ka ōrite te manaaki i ngā kaipānga katoa i runga i te tika ahakoa ko wai rātou, te maha rānei o ō rātou hea.

    Me whakatau tikanga koe mō te painga o ngā kaipānga katoa, kaipupurihea rānei.

  • Ko ngā haumitanga ka oti i a koe me mātua tutuki i raro i ngā mana o tō whakatau tarahiti, waeture rānei, ā, me whānui te whakaaro, me matawhāiti.

    Kāore e whakatūturuhia e te kāwanatanga ngā haumitanga ka mahia e koe. E noho haepapa ana koe ki ō kaipānga, kaipupurihea rānei mō ngā whakatau haumitanga katoa, ā, me rapu tohutohu pūtea motuhake i mua i te whai i ngā haumitanga nunui.

  • E herea ana koe kia rite tonu tō tiaki, haurapatanga, matawhāiti me te tika o ngā whakaaro e tūmanakohia ana i ngā tāngata pakihi whakahaere i ngā take a ētahi atu.

  • Ka taea anake e koe te tautapa ō kawenga mēnā ka āhei i raro i tō whakatau tarahiti, ngā waeture, ki te whānuitanga rānei ka taea i raro i te Ture Kaitiaki 2019.

    Engari ka taea e koe te tiki i te hunga ngaio hei āwhina i te tarahiti mēnā e hiahiatia ana.

  • Me mātua mahi tahi me ētahi atu kaitiaki ka tohua mō tō tarahiti. Ahakoa ka taka ki tā te nuinga i kī ai, ka ōrite katoa koutou i roto i ngā whakatau tikanga a te tarahiti, ahakoa pai, kino rānei.

  • E kore e āhei kia whai hua a koe tonu i te noho hei kaitiaki. I ētahi āhuatanga mā tētahi whakatau tarahiti, waeture rānei ka āhei te kaitiaki ki te whiwhi utunga tōtika mō ngā whakapaunga ka pā ki a ia i roto i ana mahi hei kaitiaki – mā ērā ka āhei anō hoki pea ki te whiwhi utu mō ngā hui, te utu rānei i ngā kaitiaki.

    Me whakaae ngā utu hui, utu kaitiaki rānei e mātou hei whakarite kei te whānui te tautoko ā ō kaipānga i a koe, ngā kaipānga, ngā kaipupurihea rānei, ka mutu ka ea i ngā mahi a te tarahiti aua utu.

  • Me mātua whakarite koe ko ngā pūtea ka riro mai mō te tarahiti ka whakamahia mō te painga o ngā kaipupurihea, ngā kaipānga rānei o taua tarahiti.

  • Me mātua pai te tiaki i ngā pūkete pūtea, whakahaere hoki mō te tarahiti. Ka āhei atu ngā kaipupuri hea, ngā kaipānga rānei ki ngā pūkete, ētahi atu mōhiohio rānei mō te tarahiti, me te aha me mātua tuku koe i ngā mōhiohio ina tonoa.

  • Me mātua whakapuaki koe i ō take pānga taharua tūturu, ka taea pea i tō tūranga hei kaitiaki. Kei roto i tēnei ko ngā kōrerorero, whakatau rānei ka tukuna mō te tarahiti ka whai pānga pea ki a koe ake, nō reira kei te whai pānga koe, ka pā rānei ki tō whai mahi, pūtea rānei ka whiwhi koe.

    Me whakapuaki e koe tō take pānga taharua ki ētahi atu kaitiaki, ā, kaua e whakauru atu ki ngā kōrero, whakatau rānei ka pā ki a koe.

  • Me mātua whakamōhio haere koe ki ō kaipupurihea, kaipānga rānei mō te tūranga pūtea me te whakatutukitanga o te tarahiti.

    Me kōrerorero tahi hoki koe mō ngā take kaupapahere matua e whai pānga ana ki te tarahiti, ngā mahinga nui rānei e tirotiro ana te tarahiti ki te whakauru atu.

  • Hei whakarite kei te ū tō tarahiti ki te ture, me mōhio koe ko ēhea ngā ture ka pā mai. E rua ngā wāhanga ture matua hei whakaaroaro: ko te Trusts Act 2019 me Te Ture Whenua Māori 1993.

    Ko ētahi atu ture me whai pea te tarahiti me ngā kaitiaki ko ēnei:

Whakangungutanga kaitiaki

E whakarato ana mātou i ngā whakangungu auau me te koreutu kanohi ki te kanohi me te tuihono hei āwhina i ngā kaitiaki kia mārama pai ake rātou ki ā rātou mahi, herenga ture, ā, me pēhea te whakahaere angitu i ngā tarahiti.

Ka taea e koe te haere atu ki tētahi hui mēnā he kaitiaki hou koe, mēnā kei te whakaaro ki te uru hei kaitiaki, mēnā rānei kei te akoako anō kia mōhio ake koe.

Nei, he pātai tāu e pā ana ki te whakangungu kaitiaki, te mahi a te kaitiaki me te kawenga kaitiaki hoki, tuku uiui mai ki roto o Pātaka Whenua.

Ngā raumei
Resources

Tikiake i ngā putanga tā o ā mātou rauemi kaitiaki.

Ko ā te tarahati haepapa
Your trust's responsibilities

Pānuitia ngā kawenga mō ngā tarahiti whenua Māori i Tupu.nz. 

Ngā whakangungu kaitiaki tuihono
Upcoming trustee training

Tēnā, kimihia i te whakangungu kaitiaki tata ki a koe, ā rorohiko rānei.