I te mea kua oti tō tono, tō uiui rānei, kua reri koe ki te whaiwhai i ō mahi whai ake. Arā, ko te whakapā atu ki ētahi atu tari me te hōrapa i ngā whai wāhitanga pūtea hei āwhina i a koutou ko tō whānau ki te whakatutuki i ō koutou wawata mō tō whenua.
Manaaki whenua, manaaki tangata, haere whakamua Care for the land, care for the people, go forward
Pērā anō i te marae, ko te Tū Atu te wā i noho tahi ai te manuhiri me te hau kāinga ki te kai. I konei kua puta te manuhiri mai i te tapu ki te noa, ā, e tohu ana i te wairua manaaki me te ngākau makuru o te hau kāinga.
I tēnei wā i te pā whenua, kua reri ngā rangatira whenua ki te whai i ā rātou mahi whai ake. Arā, ko te tuku pea i tētahi atu momo tono, te whakapā atu rānei ki ētahi atu tari, whakahaere rānei e taea ai te āwhina me te wāhanga whai ake o tō hīkoi.
Ina kōrerorero koutou ko tō whānau mō ō wawata mō tō whenua, ā, kua oti i a koe he mahere, kei konei tā mātou Pae Manawa ki te tautoko i a koe me ō mahi whai ake. Ka whakaotihia e rātou tētahi aromatawai tuatahi o ō hiahia me te āwhina i a koe ki te waihanga i tētahi mahere.
-
He ratonga kē atu Other services/agencies
Ka mahi tahi mātou me ētahi atu momo wāhanga, tari hoki ki te tautoko i ngā rangatira whenua Māori ki te tūhono atu me te whakatutuki i ō rātou wawata mō ō rātou whenua.
