Ō mātou tari
Our offices

Nau mai haere mai ki Te Waharoa. E tuwhera ana tō mātou tari mōhiohio o Tāmaki Makaurau mō ngā tāpuitanga i te rā anake. Waea mai ki a mātou ki te whakarite tāpuitanga i mua i te haere ki te tari o Ellerslie.

Ka tuku tohutohu, tīwhiri hoki mātou hei āwhina i a koe ki te whakamahi i tā mātou hangarau hou, arā te Pātaka Whenua, ka āwhina i a koe ki te whakakī i tō puka tono me te tiro mēnā kua oti katoa ērā puka, ka tuku tohutohu mō te puka tono tika hei tuku, ā, mō tēhea kaupapa, me ētahi atu tono e hāngai ana ki ngā ratonga a te Kooti.

Kāore e taea e mātou te whakahaere rangahau whānui hei rapu i tō whakapapa, hei tirotiro rānei i ngā mahi ō mua e pā ana ki tētahi paraka whenua. Me tono koe i aua mōhiohio, māu anō rānei e whakamahi i ngā utauta rapu kei tā mātou hangarau hou.

He tari tuku mōhiohio te Tari o te Kairēhita Matua e tuwhera ana ki te iwi whānui. Ahakoa ka taea e mātau te tuku mōhiohio whānui, ko te tikanga ko ngā tono anake ki te Kaiwhakawā Matua me Te Kōti Pīra Māori ka taea te tuku ki tā mātau tari i Te Whanganui-a-Tara (kei reira anō ētahi aweretanga, ā, ka taea e koe te kōrero mai ki a mātau).