Ka taea e mātou koe te āwhina ki te whakatū tarahiti me ngā kaporeihana whenua hei whakahaere i ō whenua, te pupuri rānei i ō pānga whenua mō tō whānau.
Ngā tarahiti whenua Māori
Ka whakamahia ngā tarahiti whenua Māori hei whakahaere whenua he nui ōna kaipupuri whenua. I te mea he nui pea ngā kaipupuri whenua Māori, he tikanga kakama te hanga tarahiti hei whakatau tikanga mō te whenua. Ka tohua ngā mema o te tarahiti, ‘ngā taratī’ rānei hei whakatau tikanga mō te tiaki i te whenua, ā, kia whai painga ngā kaipupuri whenua katoa, e mōhiotia anō hoki ko ‘ngā kaiwhaipānga’ o te tarahiti.
Ka taea te whakarite ngā tarahiti ki te āhuatanga ‘ā-pānga’, ‘ā-whenua’ rānei. Ka whai pānga ngā tarahiti ā-pānga (hea rānei i roto i ngā poraka whenua Māori, ā, ka whakahaere pea ngā tarahiti ‘ā-whenua’ i tētahi poraka whenua Māori, neke atu rānei mō ngā kaipupuri whenua.
Ko te Whenua Rāhui Māori he momo tarahiti motuhake e wehe ana i te whenua (Māori, whenua tukipū rānei) mō ngā tūmomo kaupapa hapori rānei.
Hei hanga i tētahi tarahiti, me tono koe mō tētahi ōta tarahiti. Ina tukuna he ōta e te Kooti, ka haere tonu te tarahiti kia whakaae rā anō ngā kaipupuri whenua, ngā kaiwhaipānga, ngā taratī, me te Kooti kia whakamutua.
Ngā kaporeihana whenua Māori
Ka taea ngā whenua he maha ōna kaipupuri whenua te whakahaere mā tētahi kaporeihana whenua Māori, ā, ka noho koinei te kaipupuri whenua me ngā rawa kua whakatakaia i raro i te ture. Ka noho ngā kaipupuri whenua hei kaipupurihea, ā, he whai hea i roto i te kaporeihana whenua tēnā tē whai pānga ai i tētahi poraka whenua takitahi. Me kī ka whakamahia ngā kaporeihana whenua Māori mō ngā kaupapa arumoni, i te mea he rite te hanganga ki tētahi kamupene ka mutu he whai i ngā mana katoa o tētahi kamupene taunaha tāpui.
Ka pōtihia e ngā kaipupurihea tētahi ‘kōmiti whakahaere’ hei whakatau tikanga mō ngā take o te kaporeihana whenua, mō te whenua hoki. He ōrite anō ngā mahi a ngā mema o te kōmiti ki ērā o ngā taratī whenua Māori. Me kī, he toru tau te roa o te wā ki ngā mema, ā, ka taea te tū anō kia pōtihia i te hui ā-tau a te kaporeihana whenua.
E whakahaerehia ana ngā kaporeihana whenua Māori i raro i te Māori Incorporations Constitution Regulations 1994, ā, ka motuhake te whakahaere mai i ngā hātepe a te kooti e pā ana ki ngā tarahiti, engari kāore e tukuna he pūrongo ā-tau ki te Kooti.
Ko ngā painga o tētahi kaporeihana whenua:
- ka taea te whakatū me te whakahaere kaupapa arumoni mō te painga pūtea nui rawa ki ngā kaipupurihea
- ko te whakamahi i tētahi tauira rangatōpū mō te whakahaere i te whenua Māori
- he noho motuhake mai i ngā tikanga a te Kooti Whenua Māori e hāngai ana ki ngā tarahiti, ā,
- ko ngā pōti me ngā whakatau a ngā kaipupurihea kei runga i te maha o ngā hea e puritia ana, kaua te maha o ngā pōti kua riro mai.
-
Te whakatū i tētahi tarati, kaporeihana whenua rānei Set up a trust or incorporation
Ina whakatū ana i tētahi tarati, kaporeihana whenua rānei, me tuku wāhanga ki ngā kaipupuri whenua me ngā kaipupurihea katoa o te whenua kia whakauru mai ki ngā whakatau tikanga. Ko ā mātou tohutohu, me whai i ngā hātepe e rima.
-
Ngā taratī me ngā mema rānei o te kōmiti Trustees and committee members
Kei ngā taratī Māori me ngā mema kōmiti whakahaere te haepapa mō te tiaki me te whakahaere i te whenua mō ngā kaipupuri whenua (ngā kaipupuri whenua whai pānga me ngā kaiwhaipānga). Ka kōharitia e ngā kaipupuri whenua ngā taratī ka pōti i ngā mema kōmiti whakahaere kātahi ka whakaūngia, ā, ka tohua hoki e tētahi kaiwhakawā, kairēhita rānei.
-
Te arotake, te whakarerekē rānei i tō tarahiti Review or change a trust
Ina whakatūria he tarahiti, ka taea e koe te tono ki te Kooti kia whakarerekēhia, arotakehia, whakamutua rānei te tarahiti.
-
Te arotake, te whakarerekē rānei i tō kaporeihana whenua Review or change an incorporation
Ina tū tō kaporeihana whenua, ā, kei te mahi, ka āhei koe ki te tono kia huria ngā tūmomo mea rerekē.
-
Te whakahaere tāke Manage tax
Ko ngā moni whiwhi ka riro mai i tētahi tarahiti whenua Māori, kaporeihana whenua rānei kei raro i ngā ture tāke moni whiwhi. He mea nui kia whakarite koe kei te tika te tāke i ngā moni whiwhi ka whiwhi koe.
