Te mahi mā mātou
Work for us

Mēnā kei te hiahia koe ki te mahi me mātou, tirohia ngā tūranga wātea. Ka pānuitia e mātou ngā tūranga mahi i te paetukutuku ara mahi a Te Tāhu o te Ture, Seek, te Kumara Vine, me Māori & Pacific Jobs.

Ina kitea e koe te mahi e hiahia ana koe ki te tono, me āta pānui koe i te whakaaturanga mahi o te tūranga kia mōhio ai mēnā e hāngai ana te awhe utu ā-tau, te wāhi me te rā tīmata ki a koe. Mēnā kei te pai katoa, me tono koe!

Ina whakakī ana i te tono mahi, me mātua whakarite koe:

• ki te whakauru mai i tētahi reta uhi kotahi whārangi e whakamārama ana i te take e tika ana koe mō te tūranga
• te whakauru mai i tētahi tāhuhu tangata tino hou. Me mātua whakarite he māmā te pānui i tō tāhuhu tangata me tō reta, ā, he tino ngaio
• me whakautu ngā pātai tāpiri ā mātou mō taua tūranga.

Ina whiwhi mātou i tō tono, ka tukuna e mātou he īmēra whakaūnga ki a koe.

Hei tūmanako māu i muri i tō tono

Atu ki te rua wiki te roa i muri i te rā kati o ngā tono e mōhio ai koe mēnā kua kōwhiria koe ki te rārangi whāiti kia uiuitia. Mēnā kua waimarie koe, ka waea atu, ka īmēra rānei ki a koe ki te whakarite i tētahi uiui, te uku mōhiohio hoki/rānei ki a koe mō ā mātou wāhi aromatawai.

Mēnā kāore i waimarie tō tono, ka waea atu, ka whakapā atu rānei mātou ki a koe ki te whakamōhio atu me te whakatenatena kia tono tonu koe mō ngā tūranga ā muri ake.

Ngā uiui

Me kī he 45 meneti ki te kotahi haora te roa o ā mātou uiui. E rua ki te whā ngā tāngata o te rōpū whiriwhiri, me te kaiwhakahaere hoki.

Ko ētahi tūranga he ‘wāhi aromatawai’ kaua te uiui. Kei roto i tētahi ko tētahi mahi rōpū mahi, he uiui me tētahi mahi whakatau. Kei te takiwā o te 2-3 haora te roa, ā, he rōpū whiriwhiri anō kei roto.

Ngā āwhina uiui me ngā tohutohu

Ahakoa he uiui, he wāhi aromatawai rānei, me whakaaroaro koe mō ngā pātai ka pātaitia pea koe me ngā tauira ka taea e koe te whakamahi hei whakatauira i tō whakautu. Me takatū ki te kōrero mai he aha koe i hiahia ai i te mahi me te take ko koe te tino tangata mō te tūranga. Waihoki, me mātua whakarite kotahi, e rua rānei ō pātai hei tuku ki a mātou i te uiui – ko tō mātou hiahia he tikanga whakawhitiwhiti.

Ko ētahi atu whakaaro hei āwhina i a koe kia takatū ai mō te uiui ko te whakaharatau kia mārama tō whakautu me te āta tirotiro i te paetukutuku a Te Tāhū o te Ture. Me whakarite ka tae atu koe i te wā tika, kia pai ō kākahu, ā, kia ngaio te āhua. Me whakaweto tō waea pūkoro. Me mātua whakarite ka heria atu ngā mea i tonoa mai i a koe. Arā, pērā pea i te ID whakaahua, ngā puka rānei me whakakī e koe.

I muri i te uiui

Ka whakamōhio atu te rōpū whiriwhiri āhea koe ka rongo kōrero. Ko te tikanga i roto i te kotahi wiki.

Mēnā kei te whakaaroarohia koe e te rōpū whiriwhiri mō te tūranga, ka kōrero te kaiwhakahaere ki ō kaitautoko me ētahi atu mahi āta tirotiro.

Mēnā kāore he raruraru i tēnei, ka tahuri te kaiwhakahaere ki te:

• waea atu ki a koe ki te tuku i te tūranga ki a koe
• whakaū i tō utu, te wā tīmata me ētahi atu here mahi me koe
• ka tuku ōkawa i te tūranga ki a koe.

Ka tukuna he mōkī tuku mahi ki a koe. Me whakakī e koe tēnei ka wawe tonu te whakahoki atu. Mā tēnei ka taea e tō kaiwhakahaere te whakauru mai i a koe hei kaimahi hou me te āwhina ki te whakatau i a koe. 

I Te Tāhu o te Ture, kei mua ō mātou uara RISE i te aroaro o ā mātou mahi katoa me whakatinana i roto i ā mātou mahi o ia ra. Ka whakauru mātou i te whakaaro Māori ki roto i ēnei uara e whakamana ana i ngā rerekētanga i roto i te ao Māori me te whakamahi me te whakatinana i ēnei uara:

Whakamana      –            whakaaronui

Toka tū moana  –            pono

Ākina                   –            ratonga

Eke panuku        –            hiranga

E whakaawetia ana ngā āhuatanga katoa o ā mātou mahi me te ahurea wāhi mahi e ō mātou uara RISE, ā, e whai ana mātou ki te hanga i tētahi wāhi e ū ana te whakawhanaungatanga mā ngā mahi whakawhanaunga me ngā tikanga kooti pūmau. 

Ka whakaratoa e mātou ngā tūmomo painga ki a koe e tautoko ana i tō oranga. Ka mahi ana hei kaimahi tūturu, kei te āhei koe ki:

• te 22 rā whakamatuatanga hararei
• te whakamatuatanga mātua roa ake
• te tomokanga whanaketanga ngaio tuihono ngaio
• te hekeutu mō te manaaki hauora tūmataiti
• tētahi koha mō ngā mōhiti ka tūtohua
• ngā haora mahi ngāwari ina taea
• ngā whakaritenga whakamatuatanga māuiui pai ake
• ngā werohanga whurū koreutu
• ngā ratonga tumu kōrero koreutu, matatapu.

Nā te nuinga o ngā tūmomo mahi, ka whai wāhi anō koe ki te whai i ngā tūmomo pūkenga hou me te whakawhanake i tō ara mahi.

E ngākau whakahī ana mātou kua tohua mātou ki te DVFREE TICK e Shine – he kaiwhakarato ratonga whakarekereke whānau mātanga mātāmua o Aotearoa, e whakaū ana he mea nui ki a mātou ā-whakahaere te whakarekereke whānau, ka mutu he kaupapahere pakari tā mātou hei tautoko i ā mātou kaimahi ka pā ki te whakarekereke whānau.