I muri i te whakatau a te kooti, ka hangaia ngā meneti kooti, whakatau hoki, ā, ka tukuna he kape ki a koe.
Ki tēnei whārangi
Ngā meneti o te kooti
Kei roto i ngā meneti o te kooti ko ngā kōrero mai i te kōtitanga, ngā kōrero i tukuna e koe i roto i tō tono, ngā rangahau i oti i ā mātou kaimahi kooti, me te whakatau a te kooti, kairēhita rānei. Ka uru ngā meneti o te kooti ki te pūkete kooti.
He tino taonga ngā meneti o te kooti e tuku ana i ngā mōhiohio hira mā ngā uri whakatipu kia mōhio ai ki ngā hītori o tō rātou whenua. Mēnā ki ōu whakaaro kei te hē ētahi kōrero i roto i ngā meneti o te kooti, me wawe tonu te whakapā mai kia pai ai tā mātou whakatika.
Ka tukuna atu e mātou he kape o ngā meneti o te kooti ki a koe i muri i te tuku whakatau a te kaiwhakawā, kairēhita rānei. E tūtohu ana mātou kia noho ō meneti o te kooti ki tētahi wāhi pai, ākene ka hiahiatia a tōna wā.
Te whakatau kooti
Ko te whakatau kooti te tuhinga e whakaū ana i te huringa ā-ture ki te mana rangatira, tūranga hoki/rānei o te whenua.
Ka whakamōhio anō te whakatau kooti i ngā mōhiohio ka tukuna e mātou ki Toitū Te Whenua (LINZ) hei whakarite ka whakahoutia te mana rangatira i roto i tā rātou pātengi raraunga.
Ka tukuna atu e mātou he kape o tō whakatau kooti i te rua marama i muri i te rā o te kōtitanga. Kei roto tēnei wā o te hātepe ture hei whakarite ka whai wā koe ki te pīra i te whakatau mēnā kāore koe i te whakaae ki te putanga.
Mēnā ka hiahia koe ki te whakapoto i te wā kia tere ake tō whiwhi i te whakatau kooti, me whakapā mai i mua i tō kōtitanga ka whakamōhio mai. Tērā pea ka hiahia i te whakatau a tētahi Kaiwhakawā, Kairēhita rānei.
E tūtohu ana mātou kia noho ō meneti o te kooti ki tētahi wāhi pai, ākene ka hiahiatia a tōna wā.
Te kerēme i ngā moni māu
Kei te āhei atu pea koe ki ētahi o ngā moni mai i tētahi tarahiti, kaporeihana whenua e whai pānga ana koe, he kaipupurihea rānei koe. Ka tuku āwhina pūtea ētahi tarahiti, kaporeihana whenua rānei mā ngā takuhe me ngā karahipi.
Ina whiwhi koe i te whakatau kati mai i te Kooti e whakatakoto ana i ō moni, māu kē e whakapā atu ki te tarahiti, te kaporeihana whenua rānei e pupuri ana i ngā moni. Me pātai atu koe he aha ngā mōhiohio kei te hiahia rātou mai i a koe kia utua ō moni ki a koe. Hei tauira, me tuku pea e koe ō taipitopito pūtea pēke me tētahi tau tāke.
Mēnā kāore koe i te whakaae ki te putanga
If you disagree with the outcome
Mēnā kāore koe i te whakaae ki tētahi whakatau a te Kooti Whenua Māori, ka āhei koe ki te pīra i te putanga o tō tono.
Whakapā mai
Contact us
Whakapā mai ki ā mātou i te tomokanga tuihono, ko Pātaka Whenua, i te waea, īmera, pōhi hoki.
Ā mātou ture
Our rules and legislation
Pānuitia ngā ture me ngā waeture whakahaere i te Kooti Whenua Māori.