Ina whakatū ana i tētahi tarati, kaporeihana whenua rānei, me tuku wāhanga ki ngā kaipupuri whenua me ngā kaipupurihea katoa o te whenua kia whakauru mai ki ngā whakatau tikanga. Ko ā mātou tohutohu, me whai i ngā hātepe e rima.
Ki tēnei whārangi
Whakamōhio atu ki te whānau mō ō whakaritenga
Me kōrero koe ki tō whānau ki te whakamōhio atu ki a rātou mō ō mahere ki te whakatū i tētahi tarahiti, kaporeihana whenua rānei.
Kia ngana tonu te kōrero ki te maha rawa atu o ngā rangatira whenua ka taea me ngā kaipānga/kaipupurihea pea ka taea, i te mea ko te tikanga ka nui ake te tūponotanga ka angitu tō kaupapa marohi ina mōhio, whai wāhi mai hoki ngā whānau whai pānga ki te whenua i mua i te tuku i tētahi tono ki te Kooti. Ki te kore e whakahaerehia e koe ēnei kōrerorero, ko ngā whānau kāore i whakamōhiotia ka whakahē pea ki tō tono i roto i te kooti.
Ko ngā mea hira me maumahara ina tīmata ana i tētahi kōrero:
Karangahia he hui
Hei whakatū i tētahi tarahiti ā-whenua, kaporeihana whenua rānei, me whakatū e koe he hui me ngā rangatira whenua me ngā kaipānga pea. E herea ana koe ki te pānui i te hui ki ngā pae tūmatanui tae atu ki te nūpepa o te rohe, ngā rōpū pāpāho pāpori, me te reo irirangi ā-iwi. Ka taea anō e koe te whakapā takitahi atu ki ngā rangatira whenua, mā te mēra, te waea, īmēra rānei. Tērā pea me nui atu ngā hui i te kotahi kia taea ai ngā tautoko e tika ana.
Ka tirotirohia e mātou te nui o ngā tautoko mō tō tono ina tono koe ki te kooti. He mea nui kia whai whakamātauranga taipitopito o ngā whakamātau i oti i a koe ki te whakapā atu ki ngā tāngata me te pānui i ngā taipitopito o te hui (kei roto pea i tēnei ko tētahi atahanga i matawaitia o te pānui nūpepa, he tirohangamata mai i te pāpāho pāpori, ngā karere patowaea a ngā whānau, aha atu, aha atu).
Ko ngā mea hira me maumahara ina whakarite ana i tētahi hui:
Whakahaerehia he hui
I te hui, me whakatakoto e koe tō kaupapa kia whānui, kia hōhonu ngā kōrero, ā, kia nui ngā kōrerorero, kia rongohia ngā whakaaro o te katoa. Mēnā ka tutuki pai i a koe tēnei, ka noho mōhio te āhua o te hunga tae ake me te pono ki a koe kei te ngākau pono, kei te pūrangiaho koe. Ki te kore, ka werowerohia ō mahi, ko te mutunga pea kua kore e koe tautokona.
Ko ngā mea hira me maumahara ina whakahaere ana i tētahi hui:
Te whai whakaaetanga
I te hui, me tau ētahi whakatau hira ina puta te hiahia ki te hanga tarahiti, kaporeihana whenua rānei. Me aro ēnei kōrerorero ki:
• Ngā tika o ngā rangatira whai pānga
• Ngā mana o ngā kaitiaki me ngā mema o te komiti whakahaere
• Te āhua o te whakahaere a ngā kaitiaki me ngā mema o te komiti i ō rātou mana
• Te whakawhitiwhiti kōrero ki ngā rangatira whai pānga
• Ngā kaipānga hoki/rānei me ngā kaipupurihea
• Ā, ka aha mēnā ka puta he whakahē.
Whai muri i te hui, me whakatūturu ngā whakatau mā tētahi mōtini (he tono ōkawa ki tētahi kaiwhakawā mō tētahi whakatau, whakataunga rānei) me te tuhi i ngā whakahēnga a te hunga i tae atu – Ka whiua mai pea tētahi tono i runga i ngā whakahēnga.
Ko te tikanga, ki te pai te whakahaere i te hui, kāore he whakahēnga, ā, ka hiahia te hunga ka tae ake ki te kōrero me te tuku whakaaro ki te tarahiti, kaporeihana whenua rānei.
Ngā mea hira hei maumahara ina whai ana kia eke he whakaaetanga:
Tukuna he tono
Ina oti i a koe ngā mahi kua whakarārangitia, ka taea e koe te tono ki te hanga tarahiti, kaporeihana whenua rānei. I roto i te tono, me whakaatu e koe:
- kua whakamōhiotia atu ētahi atu rangatira whenua mō te waihanga i te tarahiti
- i tū he hui, i eke he whakaaetanga
- kua marohitia ngā ture o te tarahiti
- kua whakaaetia kia hangaia he tarahiti, he kaporeihana whenua rānei
- kua whakaae ngā kaitiaki kua whakaarahia kia tohua rātou. Kua kōharitia te Komiti Whakahaere.
Kia mōhio koe, kāore ō mana me ō ngā kaitiaki pea me te komiti whakahaere kua kōharitia ki te noho hei tarahiti, kaporeihana whenua rānei kia whakaaetia rā anōtia tō tono e tētahi kaiwhakawā, kairēhita rānei.
Mēnā ko te whakarite he māmā tō tono, ā, kāore e whakahētia, ka taea e te kairēhita te whakarite, ka mutu kāore he whakawā ōkawa.
Te tono ki te whakatū i tētahi tarahiti ā-pānga
Te tono ki te whakatū i tētahi tarati ā-whenua, kaporeihana whenua rānei
Te tohu i ngā kaitiaki, ngā mema rānei o te komiti whakahaere
Trustees & committee members
Pānui atu ki ngā tikanga o ngā kaitiaki me ngā mema o te komiti whakahere.
Kaitiakitanga
Trusts and governance
Rapua kōrero atu anō ki ngā rauemi mo ngā tarahiti ki runga i te paetukutuku Tupu.nz.
Ngā raumei
Resources
Tikiake i ngā rauemi māteretere koporeihana me te māteretere tarahiti.