Mēnā kua tohua koe hei kaitiaki i nā tata nei, kei te whakaaro ake rānei kia uru hei kaitiaki, ka āhei koe ki te haere ki ngā whakangungu kaitiaki ki te ako i tō tūranga me ō mahi.
Ki tēnei whārangi
E whakarato ana mātou i ngā whakangungu tuihono hei āwhina i ngā kaitiaki kia mārama pai ake ai rātou ki ā rātou mahi, herenga ture, ā, me pēhea te whakahaere angitu i ngā tarahiti.
Ka taea e koe te haere atu ki tētahi hui mēnā he kaitiaki hou koe, mēnā kei te whakaaro ki te uru hei kaitiaki, mēnā rānei kei te akoako anō kia mōhio ake koe. Mēnā he tono tāu kei mua o te Kōti, me tuku koe i ō taipitopito mā te īmēra ki MLC.Trustee.Training@justice.govt.nz kia mātua tutuki ai i a koe te whakangungu i mua o tō whakawātanga Kōti. Ina oti whakangungu ka whiwhi koe i tētahi tiwhikete, he kape o te whakaaturanga me ētahi atu mōhiohio hāngai hei āwhina i a koe i tō whai kia noho hei kaitiaki. Kāore e hopukia te wā whakangungu, ā, ko te tikanga he 1 1/2 - 2 haora te roa, tae atu ki te wā mō ngā pātai me ngā whakautu.
Ngā whakangungu kaitiaki tuihono
Hei uiui mō te whakangungu kaitiaki, hei uru rānei ki tērā, tēnā īmēra mai ki a mātou ki mlc.trustee.training@justice.govt.nz me te whakauru i:
- te roanga o te ingoa ā-ture
- te wāhitau īmēra
- te nama waea whakapā, me
- te tau tono (mēnā ko tētahi).
E wātea mai ana te whakangungu kaitiaki huri noa i te motu, tae atu ke koutou kei tua o te moana. Me āta whakamōhio mai koe ko tēhea rā, ko tēhea wā he pai ake ki a koe mai i ngā kōwhiringa ki raro nei.
Rārangi whakangungu kaitiaki onāianei
Me whakamōhio mai i te rā me te wā tino pai ki a koe:
|
Tūrei |
Tāite |
|
|
07 Noema 10:00am |
|
12 Noema 6:00pm KUA KĪ TE HUI |
14 Noema 10:00am |
|
19 Noema 3:00pm |
21 Noema 10:00am |
|
26 Noema 3:00pm |
28 Noema 6:00pm |
|
3 Tīhema 3:00pm |
05 Tīhema 10:00am |
|
10 Tīhema 6:00pm |
12 Tīhema 10:00am |
|
17 Tīhema 3:00pm |
19 Tīhema 10:00am |
Ngā kaitiaki me ngā mema rānei o te komiti whakahaere
Trustees and committee members
Pānui mai ki ngā mahi me te kawenga kaitiaki mo ngā mema rānei o te komiti whakahaere.
Te tuku uiui
Submit an enquiry online
Tuku uiui mai ki te tomokanga tuihono, ko Pātaka Whenua. I tō kuhunga atu, pāwhiria te tuku uiui.
