Mēnā ka whakaae tahi ngā taha e rua ki tētahi putanga i te hui takawaenga, ka tukuna atu e mātou ‘Ngā Ture o te Whakataunga’, ā, ka tukuna atu hoki ki te Kooti hei hanga i tētahi whakatau. Ki te kore, kei reira tonu he mahi mā mātou hei āwhina ki te whakatau i te wenewene.
Ki tēnei whārangi
Mēnā ka tutuki te hui takawaenga
Ka ‘tutuki’ tā mātou hātepe wenewene mēnā ka whakaae tahi ngā taha e rua ki tētahi putanga i te hui takawaenga.
I muri i tētahi hui takawaenga i tutuki, ka tukuna e mātou ‘Ngā Ture o te Whakataunga’ ki a koe e whakarāpopoto ana i te hui me te whakatakoto i te putanga i whakaaetia. Kei roto anō pea tētahi whakatau kooti mēnā i tonoa te putanga ki tētahi kaiwhakawā, kairēhita rānei kia whakatinanahia. Ka uru te whakatau kooti ki te pūkete kooti.
E tūtohu ana mātou kia puritia e koe ēnei tuhinga ki tētahi wāhi pai, i te mea ka āwhina ki te whiriwhiri he aha ngā mahi whai ake māu. Ko ētahi o ngā tauira o ngā mahi ka whiriwhiria pea e koe ko te:
- haere tonu me te tono onāianei i te Kooti Whenua Māori
- tuku tono atu anō ki te Kooti Whenua Māori
- rapu tohutohu, te haere tonu rānei me ngā hui takawaenga i waho o te Kooti Whenua Māori
- tirotiro ara atu anō mēnā kāore koe i te rata ki te putanga o te hui takawaenga.
Mēnā ka tutuki tō hui takawaenga engari kāore te kaiwhakawā i te rata i whakatauhia ngā raruraru e ai ki te ture me ngā tikanga hāngai o tō hapū, iwi rānei, ka mate pea koe ki te hoki ki te hui takawaenga hei whakarite kei te tutuki i a tātou ēnei whakaritenga.
Kaua e māharahara ki te whakapā ki te kōrero mō ngā mahi e whiriwhiria ana e koe – kei konei mātou ki te tautoko i a koe i tō hīkoi.
Mēnā ka pūhore te hui takawaenga
Ka ‘pūhore’ tā mātou hātepe wenewene, mēnā kāore i whakaae ngā taha e rua ki tētahi putanga i te hui takawaenga.
Mēnā kāore i whakaae tahi ki tētahi putanga i te hui takawaenga, he mahi tonu kei reira hei whai māu ki te whakatau i te wenewene.
Mēnā he tono tonu tāu me te Kooti Whenua Māori, ā, i tūtohua he whakatau wenewene e tētahi kaiwhakawā, kairēhita rānei i muri i tētahi kōtitanga, ka taea e te kaiwhakawā / kairēhita te whakahoki i ngā raruraru tārewa ki te hui takawaenga, te kooti rānei kia kōrerorero haere tonu. I tēnei āhuatanga, ka tukuna e mātou he reta ki a koe e tohutohu ana i ngā tohutohu ā-ture.
Mēnā i tukuna e koe te tono whakatau wenewene me te kore tohutohu a te kaiwhakawā / kairēhita, ka katia tō tono. Engari ka taea e koe te tono anō mēnā kei te hiahia tonu koe ki te whakamahi i tā mātou ratonga takawaenga hei whakamātau ki te whakatau i ngā raruraru. Ka hiahia pea koe ki te whai whakaaro ki ngā hui takawaenga anō i waho o te Kooti Whenua Māori.
Ngā raumei
Resources
Tikiake i ngā putanga tā o ā mātou rauemi whakatau wenewene.
Whakapā mai
Contact us
Whakapā mai ki ā mātou i te tomokanga tuihono, ko Pātaka Whenua, i te waea, īmera, pōhi hoki.
