Mēnā he pai ake ki a koe te kōrero kanohi ki te kanohi, ka taea e koe te haere ā-tinana mai ki tētahi o ā mātou tari e iwa. Mēnā kāore e taea e koe te haere atu ki tētahi o ā mātou tari, ka taea e koe te haere ki tētahi o ā mātou paneke.
Ka taea e ā mātou kaimahi te whakautu ngā pātai me te tuku puka tono tā, rārangi rangatira whenua, me ngā pūkete kooti e wātea ana ki te iwi.
Mō ngā uiui arowhānui, kāore koe e mate ki te whakarite wāhui. He pai noa iho te haerea tū mai i te 10am ki te 4pm, Mane ki te Paraire. Engari, mēnā kei te hiahia koe ki te tirotiro i ngā pūkete pukapuka, me whakapā mai koe ki te whakarite wāhui. Ka taea anake te tirotiro ngā pūkete pukapuka i te tari kei reira ērā.
Paneke
Mēnā kei te hiahia koe ki te kōrero kanohi ki te kanohi engari kare e taea e koe te haere atu ki tētahi o ā mātou tari, ka taea e koe te haere ki paneke, e whakaratoa ana ngā ratonga Kooti Whenua Māori i ngā wāhi pakupaku ake puta noa i te motu.
Ko te tikanga o te paneke ko te ‘hipa’, ‘whakahipa’ rānei, ā, he kupu tēnei ka whakamahia mō ngā ratonga Kooti Whenua Māori kei waho i ngā tari ā-rohe. He whai wāhitanga a paneke mō ngā kaiwhakamahi kooti kei ngā tāone iti me ngā wāhi pakupaku ake ki te hui me ā mātou kaimahi ki te kōrero mō:
- te whakaoti i ngā puka tono
- te tuku i tētahi uiui
- te rapu i te pūkete kooti
- ngā whakamārama mō ngā tono me ngā uiui onāianei
- te whakahou i ngā mōhiohio i Pātaka Whenua
- ētahi atu ratonga e noho wātea mai i tētahi tari Kooti Whenua Māori.
Hei tono i tētahi wāhui i tētahi paneke e heke mai, ka tuku i tētahi uiui mā Pātaka Whenua, me whakapā mai rānei ki tō tari tūtata.
Te tuku uiui
Submit an enquiry online
Tuku uiui tuihono mai ki Pātaka Whenua. I tō kuhunga atu, pāwhiria te tuku uiui.
