Te uru ki te pūkete puka
Access the physical record

E wātea ana te nuinga o te pūkete ki te iwi whānui hei tirotiro i te kape puka. Me kī e puritia ana ngā mōhiohio e te tari ā-rohe e tūtata ana ki taua poraka whenua. Ka taea e koe te haere atu ki tētahi o ā mātou tari ki te tiro:

• ngā rārangi onāianei me neherā mō ngā whenua Māori
• ngā meneti o ngā whakawātanga o ngā whakatau a te Kooti me te Kairēhita
• ngā mōhiohio pukapuka āpiti onāianei me neherā e mau ana i ngā rīhi, ngā nohoanga me ētahi atu whakamahinga whenua
• ngā whakatau a te kooti, te Kairēhita rānei – tae atu ki:
  • ngā whakatau taitara (hanga i te whenua Māori)
  • nga whakatau tarahiti (ngā ingoa o ngā kaitiaki me ngā ture o te tarahiti)
  • ngā whakatau tauatanga (ngā ingoa o ngā tauatanga ki tētahi pānga motuhake)
  • ngā whakatau whakamana (ngā whakawhiti hea i roto i te whenua Māori)
  • ngā whakatau tūnga (te whakapuaki i te tūnga o te whenua ki te whenua Māori, whenua tukipū rānei)
  • ngā tūtohutanga whenua rāhui Māori (te kaupapa me ngā kaipānga o tētahi whenua rāhui Māori)
  • ngā whakatau Kaporeihana Whenua Māori (te hanga Kaporeihana Whenua me te whakatau whāinga mō te Kaporeihana Whenua Māori)
  • ngā whakatau a te Kaiwhakawā Matua
• ngā mahere o ngā whenua Māori
• ngā pānui taitara ka whai pānga ki ngā whenua Māori (pērā i ngā pānui kāhiti, ngā kape o ngā rīhi me ngā mōkete)
• ngā kōnae whaiaro (ngā kōnae pānga motuhake)
• ngā kōnae tono kua kati.

Ka taea e mātou te tuku kape o te pūkete kooti hei tuhinga PDF mā te īmēra, mō te kore utu.

Ka taea te tiki kape whakaahua o te pūkete i ā mātou tari mō te utu o te:

• 20c mō ia whārangi mā me te pango
• 40c mō ia whārangi tae.

HE KUPU WHAKATŪPATO

I roto i tā mātou mahi manaaki me te tiaki i te pūkete kooti, otirā i te mea he wāhanga nui o taua pūkete he tawhito, ā, he kopī ētahi, kāore pea e taea te tiro te pūkete puka i ētahi wā.

Mēnā he pātai āu mō te tirotiro tuhinga i te kape puka, me whakapā mai.